Dar Labbmhööch

 

 

De ganse Gassn noff off de Schlichdn war enne enzche Glännerbahn, off der sech de Franzosn un ihre Ferde offs Muul geleechd ham.

 

S wiss wo jeder, daß sech de rechdchn Goodschn selwer schonn lange Labbmhööcher nenn’. Das kommd nadürlech vom Labbmhööch. Genau, das is die steile Gassn, die da undn bein Mohrn vom Wildn Grahm noff off de Schlichdn gehd un offizjell eichndlech „Hoher Sand“ heißd. Awer das saachd nadürlich kinn’ echder Goodscher! Nur, wo dar Labbmhööch eichndlech sein’ Nam’ her hadd, das wissn nech alle! Ech arzehls euch:

 

Im Jannewar oder Febrar Achznhunnerdzwelf waars, wie dar große Feldherr un Kaiser Naboljonn Bonabarde midsamsd sein’ Drubbm au dorch Gohde gekomm’ is. Ar war nehmich offn Weech nach Rußland, woe dann speder je au gans anständch enne offn Deez gekrichd hadd. Awer das wußdn Naboljonn un sinne Soldadn da ja nonnech, sonsd weernse doch spedsdns in Gohde widder romgedrehd. Un weilse alsu nach Erford weiderwolldn, mußdnse au dn Weech hoch zer Schlichdn nehm’. Awers war damals enne elende Dürrn den Winder un de ganse Gassn dodal gefrorn un schwinnskladd: ne einzche Klännerbahn! Kinn Wunner, daß vor alln de Ferde mid ihrn kladdn Hufn nech den Hööch noffgekomm’ sen. Enns nachn annern is ussgeklännerd, hadd sech fasd de Knüddl varrengkd un is midsamsd dn Reider off de Guschn geflochng.

 

Na da haam dech de Franzosn veleichd gefluchd wie de Kesslfligger. Awer genutzd haddsn au nüschd. Die Viechder sen eimfach nechn Hohn Sand noffgekomm’. Awer Naboljonn war je e gans e fischelandes Kerlchn. Wennes nech gewesn weer, weere je au nech Kaiser gewordn. Un su hadde gans eimfach befohln, daß sinne Kavallerisdn om de Hufe von dn Ferdn e baar aale Labbm dromerom solldn wiggl. Veleichd waarns je au de Goodschn selwer, die dn Franzosn e baar aale Hader daderfor gegehm haam, wer wiss?! Un off eima gings: De Ferde sen eimandfrei den Hööch noffspazierd. Un seiddeen heißd die Gassn dahier gans eimfach nur noch dar Labbmhööch! Na un de Goodschn haam dadermidd au ihrn Spitznam’ wechgehabbd.

 

Zur voorchn SaacheZur näsdn Saache

Besucher gesamt: 139.493 / Besucher heute: 15 / Besucher gestern: 54